ڈاکٹر شہزاد لطیف کون ہیں؟


ڈاکٹر شہزاد لطیف ۲۲ اگست ۱۹۶۲ کو پیدا ہوئے اور جناب علامہ محمد اقبال کی ہمسائیگی میں سیالکوٹ میں پرورش پائی۔

آپ نے سیکنڈری سکول سرٹیفیکیٹ فیڈرل گورنمنٹ ہائی سکول سیالکوٹ کینٹ سے حاصل کیا۔ ۱۹۸۱ میں آپ کا خاندان کراچی تشریف لے آیا۔ آپ نے ہائیرسیکنڈری سکول سرٹیفیکیٹ فیڈرل گورنمنٹ کالج کراچی کینٹ سے حاصل کیا۔

۔ ۱۹۸۳ میں مزید تعلیم کیلئے آپ امریکہ تشریف لے گئے۔ آپ نے اپنی بیچلر آف سائنس کی ڈگری روچسٹر انسٹیٹیوٹ آف ٹیکنالوجی روچیسٹر، نیویارک سے حاصل کی۔

آپ کو انٹر نیشنل سٹوڈنٹ ایسوسی ایشن کا صدر منتخب کیا گیا اورآپ طلبا کی لائف بورڈ کے اعزازی ممبر بھی رہے۔

آپ نے نیو یارک کی سٹی یونیورسٹی سے سعاشیات میں ماسٹر ڈگری حاصل کی۔

آپ نے سیاسی معاشیات میں ڈاکٹریٹ کیا ۔ اپ کے مقالہ کا عنوان ’’پاکستان میں مہنگائی کی سیاسی معاشیات‘‘ تھا۔

ڈاکٹر لطیف ان تمام مسائل پر نظر رکھتے ہیں۔ جن میں انکے پاکستانی بہن اور بھائی مبتلا ہیں۔ وہ ایک جانثار وشیدائی پاکستانی ہیں۔ اور اپنے ہر ہم وطن کا درد محسوس کرتے ہیں۔ جب اسے بے روزگار یا بنیادی ضروریات زندگی سے محروم دیکھتے ہیں۔ جبکہ ، اردگرد موجود دنیا میں لاکھوں لوگ زندگی کی بنیادی سہولیات ہر وقت استعمال کر رہے ہوں۔

ڈاکٹر لطیف درمیانہ طبقے سے تعلق رکھتے ہیں اور سیاستدان نہیں ہیں۔

وہ ایک سادہ دل انسان ہیں جو غریب اور مستحق طبقات کے لوگوں کی اپنی وساطت کے مطابق جتنی ہو سکے، مدد کرتے ہیں ۔

ان کا ایک خواب ہے کہ ایک دن ہر پاکستانی اتنا آزاد ہو گا کہ اس کا ضمیر مکمل طور پراسکے اپنے اختیار میں ہو۔ چنانچہ اس دن سے وہ کوئی ایسا کام نہیں کرے گا جو اسکے ملک یا دیگر ہم وطنوں کے مفاد میں نہ ہو۔

ڈاکٹر لطیف ہمارے ملک میں وہ تبدیلی لانے کیلئے پوری دل جمعی سے کام کرنے کو تیار ہیں جس کی وطن کو اشد ضرورت ہے تاکہ پاکستان مزید نیچے گرتے جانے کے بجائے اوپراٹھ سکے اورایک معاشی، سیاسی اور معاشرتی قوت کے طور پر دنیا میں جانا پہچاناجا ئے۔